Wednesday, 6 November 2013

養顏花膠燉鮮奶 (附浸發花膠方法)




養顏是女人的終身事業,女人要對自己好一點,不時補一補,潤一潤,特別是入秋,天氣乾燥,更要多加保養,養陰滋潤,花膠對皮膚好,眾所週知,看嚴浩先生的專欄,原來花膠對皮膚熱毒有治療作用,皮膚熱毒就是一般說的濕疹、牛皮癬、暗瘡等,有此問題的朋友,每日吃一點,對濕疹有幫助呢。花膠燉石斛對胃病亦有治療作用,花膠真是寶,但價錢並不親民,所以我會買比較細件頭的花膠,1條約兩隻手指的大小,因為細,更可以不用發,用溫水略浸,至軟便可直接煮。






漫發花膠,可蒸可焗,蒸比較方便,因為我有蒸爐,個人覺得蒸的方法較好,不會走膠,花膠不會縮小,比原來的更大了不小。


1) 花膠不用洗,碟上放蔥,再放花膠 (不能疊起,會黏在一起),再放上數片薑,視花膠大小,蒸20-40分鐘
2)花膠放涼,沖洗乾淨,放入盛有清水的器皿中,入雪櫃浸過夜,如花膠太大,一晚未軟,就多浸一天,每天換水,可多發一點,分成小包,用保鮮袋包好,入冰格雪藏


1)燒滾一鍋水,放入花膠、薑和蔥,滾起後轉小火煮20﹣30分鐘, 不時攪拌以防黏底,熄火後不要開蓋,焗2小時
2) 花膠沖洗乾淨,放入盛有清水的器皿中,入雪櫃浸過夜,如花膠太大,一晚未軟,就多浸一天,每天換水,可多發一點,分成小包,用保鮮袋包好,入冰格雪藏


非常重要的一點,不論蒸或焗,所有工具鍋子器皿,特別是浸花膠的清水和器皿,不能有油,要非常乾淨

材料 (1人份)
花膠       3條(約兩隻手指般粗)
去核紅棗       2粒
陳皮      1小片
牛奶    300ml
水   100ml

冰糖     10g(可隨口味加減)

製法:
1) 洗乾花膠,剪細,加入所有材料




2) 入蒸爐,100度蒸3小時,亦可坐水蒸,煲中煲,中小火燉3小時


煲中煲可參考這篇


小貼士:
1) 牛奶加水,比例3:1,便不會在燉的過程中凝結,出現奶塊
2) 因奶是凍奶加入鍋子,加熱需時,如果用煲滾的奶和水,可縮短燉的時間


♡♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ 
喜歡的話,來 like 一下我的 facebook 吧!
分亨我愛吃的、愛煮的、愛玩的、愛敗的!
歡迎大家把跟著鬼嫁食譜做的菜,上戴到鬼嫁 Facebook 喔~ 
分享試做詳情按這裡




♡♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡


註:本網誌內所有文章、食譜和圖片版權均屬鬼嫁所有,歡迎大家試做和分享,並註明出自鬼嫁,多謝合作!

20 comments:

  1. 奶都係一早放入去燉....仲要唔要加糖架?

    ReplyDelete
    Replies
    1. 係呀一早放,要加冰糖,漏左寫,加番啦~

      Delete
    2. 不過都有人話最後半個鐘先放

      Delete
  2. 鮮奶可改冇糖豆漿嗎?

    ReplyDelete
    Replies
    1. 可以,但無試過,唔知好唔好味,你試完記住話我知

      Delete
  3. 請問如無蒸爐有何方法?

    ReplyDelete
    Replies
    1. 坐水燉,好似最下面張圖咁。

      Delete
  4. 點解發完之後要放入雪櫃浸過夜呢?

    ReplyDelete
  5. 花膠燉鮮奶好味, 有時我會加蓮子代紅棗, 熱底的人都適合.

    ReplyDelete
  6. 可以用焗爐燉嗎?方法如何?

    ReplyDelete
    Replies
    1. 用焗爐燉無話唔得,但煲內水份會蒸發得好快,燉完可能得一半,一係就用好低溫,但時間要耐D,可以試下大盤加熱水,再放燉盅,用焗爐120度,焗3小時,中途 check 下,如水份蒸發得太快,就加D水,用坐水燉的放法一樣得。

      Delete